Today is the first day of the rest of my life

Gleðileg Jól

Mon, 24 Dec 2007 13:19:35 GMT

Hæhæ

Datt í hug að senda frá mér nokkrar línur hérna svona í tilefni jólanna.
Heilir 6 mánuðir frá síðustu færslu vá hvað tíminn flýgur. En nú er spurningin, er einhver sem kíkir hérna ennþá eða er ég bara að skrifa fyrir sjálfan mig ? Endilega skiljið eftir línu í gestabókinni eða í commenti við þessa færslu. ;)

Þetta sumar var magnað. Byrjaði frábærlega með "útskriftarferðinni" til USA. Er að spá í að fara aftur í "útskriftarferð" næsta vor en þá vonandi get ég sleppt gæsalöppunum :D því ef allt gengur eftir þá klára ég næsta vor! Planið er að fara til austurstrandarinnar og heimsækja Boston og New York. Í Boston eru nokkrir flottir skólar, þar á meðal mekka nördanna, MIT. :) New York hefur verið draumur í nokkur ár, mig langaði alltaf að sjá World Trade Center með eigin augum en svo verður víst ekki úr þessu... En eftir Bandaríkjareisuna verður mjög líklega komið við á Bahamas og sólin sleikt í einhverja daga, mm góð tilhugsun það :haha:

Ég vann afar takmarkað í sumar sökum tíðra utanlandsferða en það litla sem ég vann gaf mjög vel af sér svo þetta sumar var mjög afslappað.!
Fór svo í fjölskylduferð til Mallorca í kringum versló, fyrsta ferðin sem við förum öll saman til útlanda og ég vona að þetta verði ekki sú síðasta. Ég "actually" náði mér í smá lit í þetta skiptið en það tókst ekki alveg nógu vel í fyrra skiptið þrátt fyrir 3 vikur í Bandaríkjunum..

Úff skólinn, einhverntíman var manni sagt að 3. árið væri bara "chill" miðað við hin árin en það er sko aldeilis ekki satt! Heimapróf í sjálfvirkum x4 sem tóku maaaaarga klukkutíma hvert, kræst endalausir "allnighterar..", svo reikniverkefni í merkjafræðinni x4 sem tóku oft langan tíma líka og svo var ég ótrúlega duglegur að segja já við vinnu hjá Exton. Sökum þessa þá hef ég ekki verið sá duglegasti í skemmtanlífinu í vetur.. Þrátt fyrir frítíma í mínus þá gaf ég mér alltaf tíma til að kíkja með strákunum í ræktina amk 4x í viku. Það gerir manni ótrúlega gott að fá smá útrás og hvíld frá náminu.! Er að spá í að taka næsta skref uppávið og fara í einhverja bardagaíþrótt með nokkrum sem ætla að byrja í janúar. Það verður örugglega frábært.

Það eru ekki bara 6 mánuðir síðan ég bloggaði síðast heldur eru rúmir 6 mánuðir síðan ég drakk eitthvað að ráði síðast. Við á 3. ári + velunnarar fórum á Argentínu síðastliðinn föstudag í jólahlaðborð og var maturinn alveg frábær! Upphaflega planið var að bjóða einum af 3. árinu í mat í tilefni þess að hann var nýbúinn að eiga afmæli, en svo mætti kauði bara ekki.. 8| Frekar skondið.
Eftir Argentínu var kíkt í "reunion" heima hjá Tuma þar sem maður hitti megnið af gamla 3. árinu, allir með skemmtilegar sögur af sínu meistaranámi úti í hinum stóra heimi.
Um tvöleitið var svo kíkt á ballið með Palla á Nasa sem við í FV stóðum fyrir. Það var frábært, eða allavega þessar 10 mín sem ég man eftir.. Ég var orðinn frekar ölvaður áður en ég mætti en mér voru rétt skot strax og á Nasa var komið og fóru þau alveg með mig.. Endaði það kvöld heldur óskemmtilega :^) Afsakið..
Þegar ég loksins komst heim, þá rifjaði ég upp kynni mín við gólfið á litlaklósettinu heima í Seljahverfinu. Ansi margir mánuðir síðan ég heilsaði upp á það síðast :haha: Ætli það hafi saknað mín ?

Í öðrum fréttum er það helst að ég er við það að fara að slá eigið met í utanlandsferðum á einu ári. Fyrra met sló ég þegar ég fór til Mallorca í sumar en núna eftir 3 daga þá er ferðinni heitið til Þýskalands. þaðan með lest í 6 klst til Innsbruck í Austurríki! :D Já, 11 dagar á bretti mínus 2 dagar sem fara í ferðalög, en ó mæ god, daumur minn síðan ég flaug fyrst á andlitið í bláfjöllum við það að rætast!! YAY.

Jæja, ætli það sé ekki best að kíkja fram í eldhús og gá hvort maður fái eitthvað fyrir þessa möndlu sem maður er búinn að fela í kjaftinum í rúma klukkustund núna :haha: Mamma er örugglega farin að velta því fyrir sér hvort hún hafi gleymt að setja hana í grautinn hehe.

Gleðileg jól og gott og farsælt komandi ár.
Ég þakka liðnar stundir með von um enn fleiri á næsta ári

bæjó

bla

Thu, 28 Jun 2007 00:41:48 GMT

Langt síðan maður hefur hripað eitthvað niður hér. Ég eiginlega nenni ekki að koma með ferðasögu hérna enda var þetta 3 vikna ævintýri og eiginlega frá of miklu að segja :) En ég setti inn þrjá tengla hérna til hliðar inn á myndir frá ferðinni ef einhver hefur áhuga á að skoða.

Það var samt ótrúlega skrítin tilfinning að koma heim aftur... Allt fjörið búið og maður hafði eiginlega ekkert að gera. Ég ákvað að taka ekki vinnuna sem ég var í síðasta sumar enda bara tæpir 30 dagar sem ég hef til að vinna. Félagi minn reddaði mér hinsvegar vinnu við 17. júní hátíðarhöldin hér í Reykjavík og gaf það ágætlega af sér þrátt fyrir mjööög langan vinnu dag.. eða 31 klst.. Í kjölfarið af þessu fékk ég svo vinnu við undirbúning alþjóðaleika ungmenna sem voru haldnir hérna í síðustu viku og um helgina. Ágætis vinna það og ágætis peningur í því. Þið hafið kannski einhver séð opnunarshowið sem var síðasta fimmtudag þar sem þið urðuð þá án efa vitni að flottasta blöðrusleppishowi ever. :)

En hvað um það, núna hef ég barasta ekkert að gera, amk ekkert sem ég fæ borgað fyrir. Maður situr bara og dundar sér eitthvað og bíður eftir að einhver hringi og biðji mann um að koma í vinnu. Fínt að vera kominn með samband á tveim stöðum í svona íhlaupavinnu, gott að hafa svona með skólanum.

Endilega skoðið www.hallgeirsey2007.tk og mætið á deco milli 18 og 22 og nælið ykkur í miða og mætið í frábæra útilegu í hallgeirsey!! og nei þetta er ekki bara fyrir verkfræði og/eða háskólanema. Spurning sem ég fæ ansi oft að heyra :) það er nóg að vera 18 ára gamall :)

Jæja, ætli það sé ekki kominn tími á að kíkja á eina bíómynd fyrir háttinn. Þarf helst að vakna fyrir hádegi á morgun :P Þarf að komast á pósthús til að senda bréf til US and A með grænum miða og láta vita að ég sé ekki lengur úti, ástæða: því það gleymdist að taka hjá mér grænan miða þegar ég fór frá Minneapolis og því get ég lent í veseni og töfum við að komast inn í Usa næst þegar ég fer þangað.. :$ veeesen..

Þar til næst

bææææ

Kominn heim

Thu, 07 Jun 2007 00:00:19 GMT

Þá er maður loksins kominn heim aftur og ævintýrið mikla búið. Þessi ferð var ein skemmtilegasta lífsreynsla sem ég hef upplifað. Sjá allt þetta fjölbreytta mannlíf sem er á þessum þremur stöðum sem maður stoppaði á.
Ég held að Hawaii hafi staðið uppúr af stöðunum þremur, þó það hafi tekið nokkra daga að venjast hitanum og rakanum sem er mjög mikill þá var þetta farið að verða notalegt undir lokin.
Ef þið ætlið til Hawaii þá myndi ég vera amk 2 vikur þarna því það er svo ótrúlega margt sem hægt er að gera og er ég með fulla blaðsíðu af hlutum sem ég hafði ekki tíma til að gera en langaði ótrúlega til að gera. :)

En já, ég held ég hafi þetta ekki lengra í bili því ég er alveg að sofna hérna. Lenti kl 6 í morgun eftir 30 klukkustunda ferðalag frá Honolulu og tvær millilendingar. Skondið að hafa lagt af stað frá Hawaii á mánudagskveldi og lenda á Íslandi á miðvikudags morgni.

Enþar til ég nenni að tjá mig frekar um ferðina, þá segi ég bara...

...bææjó

Hæhæ

Tue, 22 May 2007 03:25:41 GMT

Hellú, langaði bara til að rita nokkur orð og láta vita að maður er ennþá á lífi þrátt fyrir 4 daga í Bandaríkjunum :D:D:D

Maður búinn að gera ýmislegt skemmtilegt hérna og þar helst versla eins og maður fengi greitt fyrir það :P

Mér tókst að sjálfsögðu að sólbrenna eins og ég veit ekki hvað á laugardaginn þegar við fórum út í Alcatraz. Hér er alltaf sól og blíða nema þennan eina morgun en þá var smá þoka þannig ég spáði ekkert í sólarvörn IDIOT!! ooooooooog þar af leiðandi sólbrann ég á nefninu og aftan á hálsinum... En það er allt í góðu núna :)
Ég og Bjarki týndum hópnum úti í eyju þannig við fórum bara tveir einir í land og röltum um borgina. Sáum margar götur sem eru alveg fáránlega brattar... Frekar skondið að byggja í þessum halla.
Ég rakst líka á Church of Scientology.. sem er nokkuð áhugavert dótarí eða þannig og þegar ég var að smella af mynd af húsinu þá rölti að mér svartur gaur og rétti mér boðsmiða á eitthvað show sem þeir bjóða uppá. Ætli það sé ekki eitthvað til að snúa manni á þeirra band. heh yea, Zorgon flutti manninn til jarðarinnar eða eitthvað álíka sniðugt. Blahblah.. Mæli með að þið checkið á "Church of scientology" á wikipedia. Þetta er skondið :)

En jæja, ætli það sé ekki kominn tími á að taka upp úr pokunum og athuga hvað maður var eiginlega versla

adios.

kv. Davíð

USA

Thu, 17 May 2007 03:56:02 GMT

Whee, usa eftir tólf og hálfa klukkustund :D:D:D

Bjáninn hann ég var að koma heim af próflokadjamminu sem ég ætlaði ekki á .. Afrekaði það samt að vera edrú gaurinn og gekk það bara ágætlega þrátt fyrir að þau skipti sem maður var dreginn á dansgólfið þá var maður eins og lamaður fyrir neðan háls..

En já, áhugavert kvöld með meiru.. Komst að ýmsu góðu og slæmu um hitt og þetta.. Ennnn ætli það sé ekki best að byrja að pakka..! :) Bara 12 og hálf klst í FLUGTAK !!

Næsta færsla verður væntanlega rituð í San Francisco Kaliforníu USA :D

Þar til næst

Kv. Davíð

Próf

Sat, 05 May 2007 18:12:12 GMT

Próf, próf og aftur próf.

Prófin eiga hug manns þessa dagana sem einkennast af vökunóttum og mikilli þreytu. Ég hef alltaf haldið því fram að ég yrði ekkert stressaður fyrir próf.. EEEN ég held það sé bara því ég fer oftast í próf kl 9 á morgnana og þar af leiðandi of þreyttur til að verða stressaður... Það var ekki fyrr en núna í þessum prófum sem ég virkilega fann og finn örlítið fyrir stressi :O enda prófin mín öll kl 14.30... Bara pirrandi að vera svona seint í prófi.. En hvað um það, ég er búinn með tvö próf og á fimm eftir. Fyrsta prófið endaði í rugli en annað prófið sem var áðan var full langt en það reddast held ég. (vona ég..)

Næsta próf á þriðjudag, greining IIB þar á ferð sem verður eflaust áhugaverð.. og strax sólarhring seinna er rafsegulfræði sem verður án efa mjög svo áhugaverð.. enda einstaklega steiktur áfangi þar á ferð... 8|

Bara 11 dagar, 22 klukkustundir og 30 mín í að ég fari til USA ! :D:D Get ekki beðið!!

Tékkið á þessu :D -> þetta <- og -> þetta <-

Djöfull væri magnað að standa fyrir framan myndavélina og hringja heim og segja ykkur að kíkka á seinni linkinn :P

Þar sem þetta er útskriftarferð þá getur maður ekki annað en leitt hugan að því hvernig það verði að vera í skólanum næsta haust... Minn hópur að útskrifast(eða megnið af honum amk) og manneskjur að fara sem maður er búinn að vera að grúska ýmislegt með síðastliðin 3 ár... Sumir að fara á vinnumarkaðinn og aðrir að fara út í framhaldsnám.. en ég verð áfram í VR II.. asnalegt.. svei..

stæ kallar, adios

bla

Wed, 11 Apr 2007 00:34:31 GMT

Held það sé kominn tími á eitthvað nýtt hérna, svona í tilefni þess að skólinn byrji aftur á morgun, ekki það að hann hafi endað eða eitthvað álíka. Það voru bara engir tímar til að mæta hvort eð er ekki í :S Svo vantar bara 3 daga í að það sé mánuður síðan ég sagði eitthvað hérna annað en í "athugasemdum".

Kannski ég byrji bara á nokkrum orðum um aðalfund VÍR sem var haldinn um þarsíðustu helgi. Næstum óendanlegt áfengi, bæði sterkt og bjór :haha: Sumir fóru á kostum og hélt maður stundum að maður væri á keppninni fyndnasti maður Íslands nema að þetta var fyndið annað en keppnin um fyndnasta mann Íslands.. Ég var kosinn gjaldkeri VÍR með 66% atkvæða, til hamingju ég :D og þurfti að fara í einvígi við gamla gjaldkerann hann bjarna. Auðvitað vann ég hann enda þurfti hann að taka 8 skot en ég bara 5 :P Ég og ópal erum líka hinir bestu vinir, sbr. flöskuna sem er búinn að vera uppi á hillu hjá mér síðan á Hallgeirsey síðan í sumar.. Hún er líka í ágætum félagsskap með bjórnum sem ég keypti um áramótin en drakk ekki... Ég er án efa einn slappasti í þessu.
Eftir ca klukkutíma sull með sterkt áfengi var haldið í bæinn. Þetta var btw í mosó og rúta var fengin til að flytja liðið niður í miðbæ. ENGIN lýsingarorð í minni orðabók geta lýst lyktinni í rútunni á leið í bæinn.. svo ég segi bara OJJJJJJJJJJ og ómægod.. Skemmtilegasti maður aðalfundarins..... NOT.. (mjögsvopirrandigaurþvíhannvarfullurogasnalegur) áhvað að pizzan sem hann át á fundinum væri ekki nógu góð svo hann skilaði henni á gólfið í rútunni :evil: og við það fór af stað keðjuverkun.. Fyrst einn svo annar og sem betur fer var keðjan ekki lengri en það.. :P Aumigja rútufyrirtækið segi ég bara :haha:
Ég bjóst aldrei við því að eiga eftir að enda í stjórn nemendafélags :) En ég er viss um að þetta verður ótrúlega gaman og eflaust mjög gefandi. Ég hefði þó ekkert á móti því að vera að útskrifast núna með krökkunum sem byrjuðu á sama tíma og ég :S margir að fara sem maður á eftir að sakna þess að sjá ekki reglulega :(
Maður fær samt að kynnast nýju 1. ári og svo náttlega krökkunum sem eru í stjórn FV. Hasarinn byrjar í sumar með skipulagningu og vinnu fyrir Hallgeirsey sem verður örugglega Geeeeðveik :D

Gamla hlaup/sund/vídjó teymið er aftur samankomið sem er mega gott, saknaði þess otrulega. Fór í árbæjarlaug í gær og fyrradag og í bæði skiptin tókst mér að villast í þessu ASNALEGA árbæjarhverfi.. Fyrridaginn var ég á hjóli og var 30 mín á leiðinni og fór örugglega 7 hringi í kringum hálft hverfið (hefði átt að taka mig 5-6 mínútur að hjóla þetta)... og svo í gær þá var ég á bíl og tókst á einhvern ótrúlegan hátt að villast og fara næstum nákvæmlega sömu leið og ég gerði á hjólinu.... Þvílíkur blábjáni getur maður verið.. Seinna skiptið var samt bara gaman því þá maður var í mjög góðum félagsskap svo það var nóg hlegið ;)

Jæja, ég var búinn að segjast ætla að vakna kl 7 og vera mættur í árbæinn kl 7:10 og tilbúinn í hlaup og sund svo ætli það sé ekki best að leggja lappann frá sér og reyna að sofna. Þar til næst....

bæjó

...:: 23 ::...

Wed, 14 Mar 2007 00:54:15 GMT

Yay, þá er maður dottinn í nýtt ár og nálgast þriðji tugurinn óðfluga 8|
Átti semsagt afmæli í gær. Hafði svosem ekki hugsað mér að gera neinn dagamun frekar en undanfarin ár. Ég fór þó í stutta en ótrúlega skemmtilega brettaferð í bláfjöll. Við vorum rétt mætt uppeftir og nýbúin að borga þegar okkur var endurgreiddur miðinn og sagt að fara bara frítt í lyftuna meðan þeir væru með hana í gangi. Það var alveg snarvitlaust veður uppi á toppnum og var ekkert neitt sérstaklega þægileg tilfinning að vera í lyftustólnum í margra metra hæð í þessu roki því stóllinn tók þónokkurn vind á sig 8|
Þegar á toppinn var komið þá sást ekki baun í bala og rokið alveg fáránlegt, maður komst heldur ekki úr stólnum án þess að ýta sér því það var svo mikill mótvindur að maður rann ekkert áfram.. En já að renna sér niður brekkurnar og sjá rétt um 5 metra framfyrir sig er ágætt :)

Eftir þessa fremur stuttu ferð komu allskonar hugmyndir um hvað skyldi gera, einhver talaði um sjó, þurrgalla og brimbretti. heh, það hefði verið gaman :) svo línuskautar og ís en það var of blautt til þess, svo skautar og ís en skautasvellið er bara opið milli 12 og 15 eins fáránlega og það hljómar.... svo við enduðum á því að fá okkur bara ís :)

Eftir rúnt fram og til baka um borgina endaði maður svo heima þar sem maður fékk kjúkling og ýmisleg góðgæti með og svo köku í eftirrétt. :D

Nenni ekki að blaðra meira hérna, klukkan að verða 1 og ég á eftir að horfa á einn þátt fyrir svefninn sem getur ekki beðið til morguns :D

bæææ

Fimmtudagur

Thu, 22 Feb 2007 00:25:45 GMT

Það er svo langt síðan ég tjáði mig hérna að ég man eiginlega ekki hvað er búið að gerast síðan síðast.. :$
Það helsta sem gerst hefur er auðvitað skíðaferðin til Akureyrar um þarsíðustuhelgi. Ég "beilaði" á fillerýinu en ég brunaði frá króknum norður á Ak á laugardagsmorgninum.
Fékk mér morgunmat á shellstöðinni þegar maður kemur inn í bæinn og brunaði svo bara beint upp í fjall til krakkanna.

Maður var hálf smeikur fyrstu ferðirnar og fór því ekki upp með "T-lyftunni" upp á topp en eftir nokkrar ferðir niður og marga HARÐA skelli þá lét ég vaða og brunaði upp með mr T. Sé ekki eftir því, því það var það skemmtilegasta, maður gat nefnilega rennt sér lengst til hliðar þar sem mjög skemmtileg gil voru með tilheyrandi hengjum og brúnum til að slasa sig á.
Ég afrekaði ýmislegt í fjallinu, t.d. náði ég að sviga í fyrsta skipti :haha: þetta er allt að koma, bráðum fer maður að svífa fram af pöllum og hengjum eins og ekkert sé. Svo tókst mér að stökkva óvart fram af brún, skella á smettið og slá mig í nefið í leiðinni þannig að af hlaust þessi fíni blóðnasir.. mmm rauður snjór, næstum jafn girnilegur og gulur 8|

Ekki get ég sagt að heilsufarið hafi verið gott eftir þetta, maður tók svo marga skelli að ég er bara hissa á að hafa ekki brotið neitt :haha: Sunnudagurinn var áhugaverður, harðsperrur út um allt, sérstaklega aftan á hægra læri/rasskinn og svo í brjóstkassanum vinstramegin, á milli rifbeinana ??? Ha?
Hélt í fyrstu að ég væri rifbeinsbrotinn eða eitthvað álíka spennandi en svo var ekki. Vissi ekki að maður gæti fengið svona rosalega harðsperrur þar.
Ég hlakka til að komast upp í fjall aftur, get ekki beðið eftir páskunum :D

Næsti "stóri" viðburður er auðvitað árshátíð verkfræðinema á Hótel Selfossi um þarnæstu helgi. Ætla ~~ekki~~ að láta mig vanta þar, ~~ræð heldur engu um það því maður fengi ekki frið ef maður myndi "beila" á því. :)~~ Ég auglýsti eftir herbergisfélaga hérna fyrir ekki svo löngu og ég fékk bara eitt tilboð, iss, það veit ekki á gott 8|

Fjáröflunin fyrir Bandaríkjaferðina gengur vel núna, blaðið okkar er að gefa mjög vel af sér sem betur fer. Lítur allt út fyrir að maður muni fá smá gjaldeyri sem skemmir sko alls ekki fyrir. Nú er bara að finna eitthvað "fullkomið system" fyrir spilavítin og koma "margmilljónaður" til baka ;)
Nú er ekki slæmt að vera með tvö Kreditkort, og þar af annað þeirra gullkort með X >> 100.000 yfirdráttarheimild ;)
EEnnnnnnnn Jaaaá, held þau verði nú samt bara skilin eftir heima. :)

Jæja, held ég hafi ekkert meira "|>ó<|"-merkilegt að segja í bili.

þar til næst

lifið heil

bæb

Sveitin

Fri, 09 Feb 2007 23:52:20 GMT

Jæja þá er maður mættur í sveitina enn á ný. Ég beilaði á skíðaferðinni, amk fillerýshlutanum og fór heldur heim í Skagafjörðin. Planið er þó samt að keyra í fyrramálið og "joina" krakkana í fjallinu. :D
Ef einhver vill koma með þá geri ég ráð fyrir að leggja af stað milli 8 og 9 í fyrramálið :) Endilega láta vita ef einhver vill koma með :D

Fór á ferðafund í gær og borgaði svo 100.000.00- kr í dag upp í ferðina. Vona að þessi ferð verði frábær, reyndar heilmikið flug en ég held það sé alveg þess virði.

Ekki verða þessir þrír dagar í Las Vegas slæmir því hótelið okkar er ekki af verri endanum.
Sjón er sögu ríkari svo ég bendi bara á þennan link HÉRNA ef þið viljið sjá hvað bíður manns, nú ef þið nennið því ekki þá skellti ég inn mynd hérna fyrir neðan :D:D
Ekkert smá flott hótel, MGM GRAND á sko vel við :haha:

En já, eftir Las Vegas förum við svo til LA og fljúgum þaðan til Hawaii 8)
Hótelið okkar þar er 50 metra frá hinni "margrómuðu" waikiki strönd svo maður ætti ekki að eiga í erfiðleikum með að taka smá lit 8)

Jæja, spurning að kíkja aðeins á imbann og skella sér svo bara í koju svo maður komist nú sem fyrst af stað í fyrramálið :haha:

.. thats all folks..

nætí

Árshátíð

Mon, 05 Feb 2007 16:31:27 GMT

Árshátíð verkfræðinema 2. mars.
Hótel Selfoss 8) frábær skemmtun
Mig vantar herbergisfélaga, einhverjir sjálfboðaliðar?
Menn eru ýmist á föstu, fluttir eða ætla ekki.. Maður nennir deilir nú ekki herbergi með hverjum sem er.. :$

En já Akureyri um næstu helgi.
Lýst rosavel á það. Veðrið virðist ætla að verða skaplegt svo maður kemst í hlíðarfjall :D
Verður örugglega ótrúlegt sukk og svínarí þarna, endalaust af áfengi og ekki skemmir ball með Jet Black Joe í sjallanum á laugardagskvöldið. 8)

Smá viðbæting kl 02:13 í því sem virðist vera andvökunótt 8|
Hvað ætli ég þurfi að æfa lengi á gítar til að geta spilað eins og gæjinn í þessu lagi..
Lag
Call me crazy en ég verð eiginlega að segja að mér finnst svona tónlist og viss klassísk lög lang best..
Gott/flott/skemmtilegt/notalegt lag ?

Norðurferð

Sun, 28 Jan 2007 23:03:12 GMT

Þótt það hljómi frekar ótrúlega miðað við veður, þá skrapp ég norður um helgina. Þegar segi miðað við veður þá meina ég skíðafærð. Ég ákvað samt á föstudag að beila á vísó og partýinu sem á eftir var og fara heldur norður. Þá lágmarkar maður líka líkurnar á að hitta eitthvað sem endar með því að draga mann bara niður 8|:frown:
Ágætt að slappa af eina helgi þó ég hafi reyndar ekki mikil slappað af. Fór með pabba í gönguferð á laugardaginn og gegnum við frá húsinu upp í hlíðarnar fyrir ofan, eftir fjallinu, fyrir ofan móana og að Stíflunni í gönguskarðsánni, ágætis spotti það.
Ég tók myndavélina með svona bara til að prufa hana og tók nokkrar myndir.

Sumar myndirnar komu reyndar ekkert voðalega vel út sökum rökkurs og rigningar.. Setti nokkrar inn hérna til hliðar. Við röltum svo niður að Bjarna Har þar sem mamma sótti okkur því það var kominn handboltatími. Ísland - Slóvenía, náðum heim rétt í tæka tíð áður en leikurinn byrjaði :)
Ísland átti ágætis leik og vann sem betur fer 31-32 þrátt fyrir að hafa haft meiri forustu allan leikinn. Held þeir hefðu tapað leiknum hefði hann verið 2-3 mín lengur..8|
Eftir leikinn málaði ég eina umferð yfir loftið í hjónaherberginu og fékk svo dýrindis lambalæri í kvöldmat, alls ekki ónýtt að kíkja heim í sveitina :haha:
Gerði mest lítið eftir kvöldmat, þreyttur eftir gönguferðina og svo var ég með málverk :haha: (systir mín spurði hvort ég hefði fengið málverk eftir þetta).
Ég náði samt að afreka að rúlla alla veggina og allt loftið um miðnætti, bara upp á gamanið. Að mála var líka eitt af markmiðum þess að fara norður fyrst enginn var snjórinn. Bara verst að ná ekki að setja saman skápinn líka :S

Kom svo suður í dag, svaf mesta leiðina og fór beint í matarboð til systurminnar í gómsætan kjúklingarétt :D
Eftir matinn fór ég svo á mitt þriðja heimili (vr2) og losaði mig við nokkrar skólabækur upp í hillu og sendi rukkanir á fólkið sem skuldar í sjoppunni. Þótt fyrr hefði verið..

Ég held að málið sé að kíkja bara á þátt og fara svo í ból..
bæb

Ég = 10999...

Tue, 23 Jan 2007 00:11:17 GMT

...en hver verður númer 11000 ?

Fór í bláfjöll á sunnudaginn. Það var frábært þrátt fyrir að ég hafi verið ótrúlega lélegur..... Til að byrja með amk :)
Var farinn að sviga í síðustu ferðinni minni :D
Hlakka mikið til að komast aftur í fjöllin, hvort sem það verður í Bláfjöll, Sauðárkrókur eða Akureyri!
Maður er reyndar alveg ónýtur í skrokknum núna, hálsinn skrítinn eftir svakalegan skell beint á smettið..:$ og svo fáránlegir strengir í þríhöfðunum ??? 8|
En já það er alveg þess virði að verða ónýtur eftir þetta því það var frábært veður og ekki skemmdi útsýnið yfir fjöllin þegar sólin var að setjast og litaði allt fallega appelsínugult/rautt.

Svefninn kallar
bæb

Ömurleg vika liðin...

Sun, 21 Jan 2007 03:17:05 GMT

Titillinn segir allt sem segja þarf.. :(
Sú næsta verður vonandi betri, stefnir amk í góða byrjun, Bláfjöll opin og ég veit ekki hvað og hvað..

Jey

Sun, 07 Jan 2007 19:19:19 GMT

Er ekki kominn tími á nýja færslu hér, jú það held ég. Það yrði samt önnur færslan í dag jeiiii.. Ástæða: því þetta er svo æðislegt kerfi sem galdrar færslurnar í burtu þegar maður ýtir á staðfesta. 8|

Þetta var hin fullkomna færsla.. :cry: Það var meira að segja dæmisaga í endan um hvernig færslan ætti örugglega hvort eð er eftir að hverfa og ég kom með skýringu á því afhverju ég gerði ekki copy og paste...

Úff, já, byrja upp á nýtt. wheee.

Ætli ég byrji ekki eins og áðan með því að segja að það hafi ekki mikið gerst hjá manni í jólafríinu. Eiginlega það eina sem ég gerði fyrir norðan var að fara að sofa undir morgun og fara seint á fætur :) ég hafði reyndar ágæta.., nei frábæra ástæðu til að vaka svona lengi ;)

Magnað samt hvað dagurinn verður að engu þegar maður er að skríða framúr kringum 16 og 17 á daginn :) Enda sást það best á því hve duglegur ég var að gera allt það sem ég ætlaði að gera.
Ætlaði t.d. að setja glósurnar mínar í rafeindatækni 1 á "wiki"ið okkar fyrir þá sem eru að fara í fagið í fyrsta skipti. Ætlaði líka að halda áfram að fikta í "hinu blogginu" svo ég gæti nú sagt skilið við þetta. Svo ætlaði ég að leika mér í maya og verða snillingur í að "modela" 3d-model svo ég gæti fengið sumarstarf hjá universal við 3d-modeling.. right.. :$
Uhm.. hvað fleira ætlaði ég að gera en gerði ekki.. tók með mér takkaskó en notaði þá ekkert.. tók líka með mér einstaka snilligáfu mína í trivial pursuit en það var til einskis því ekkert var spilað :(
Skrítið jólafrí, en engu að síður eitt það besta til þessa ;)

Bíóárið byrjaði vel hjá manni, er strax búinn að fara tvisvar í bíó :D
Fór á Eragon á þriðjudaginn, þó myndin hafi bara verið ágæt þá var kvöldið í heild sinni frábært og gleymi ég því seint :haha:
Fór svo á Stranger than Fiction á föstudaginn og er þetta mynd með snillingnum Will Ferrell. Alveg ótrúlegt hvað hann getur látið venjulega hversdagslega hluti vera fyndna :) t.d. það að bursta tennur :P

Held að dagarnir framundan verði ekkert sérlega skemmtilegir af einhverri ástæðu :(
Það eru reyndar nokkrar ástæður fyrir því sem ég ætla svosem ekki að fara nánar út í..
Mig langar þó að nefna peningaútgjöld 8|
Nýtt misseri þýðir nýjar bækur, eða amk í þeim fögum sem maður er ekki að fara í, í annað skiptið 8| Svosem ágætt að losna við að kaupa bækurnar en það er glatað að þurfa að sitja áfangana aftur.. Ég þarf að sitja tvo áfanga aftur.. :$
Svo ákvað hleðslutækið á fartölvunni minni að skera sig á háls svo ekki get ég notað fartölvuna sökum rafmagnsleysis.. :whut: Við erum að tala um 7 þúsund fyrir nýtt tæki...!! :evil:
Svo þarf ég að kaupa nýtt kort í gymmið því mitt rann út núna um áramótin, ég er mikið að velta því fyrir mér hvort ég eigi að fara aftur í Hí gymm eða finna mér nýjan stað til að brenna lýsi á.. veitiggi
Svoo þarf ég að borga 80k í flugmiða fyrir ferðina í vor, það borga ég þó með glöðu geði :haha: en ég vildi að ég væri að fara út á morgun eins og sumir ;) í stað þess að vera að byrja í skólanum aftur.
Svooo var ég að spá í að kíkja á útsölur og reyna að finna mér einhver föt. Spurning að fá sér annað par af gallabuxum svo maður eigi nú tvö :) Fyrir þá sem ekki vita þá hef ég ekki verið sérlega mikill gallabuxnamaður undanfarin ár(-atug).. :)

En jæja, spurning að enda þetta hérna og skokka niður og gá hvort það sé ekki eitthvað til að snæða. Þessar tvær pönnukökur og brauðsneið sem ég borðaði í hádeginu duga víst ekki allan daginn :)

Þangað til næst

bæjó :haha: